الكشري لعيون جود

**نورهان** · 09-09-2002, 01:47 AM

هلا جود

انا بكتبلك طريقة الكشري اللي انا اسويه والكل يمدحه وانت شوفي اذا ناسبك جربيه وقولي لي النتيجة

اؤكيـــــــــــــــــــــــــــــه ؟؟؟؟؟؟

المقادير

كيس مكرونة من الحجم الصغير مسلوقة ومصفاة

كوب رز مسلوق بالماء والملح وقليل من الزيت

كوب عدس اسود مسلوق

بصلتين كبيرتين مقطعة شرائح متوسطة

ثلاث فصوص ثوم مدقوق

كزبرة خضراء مفرومة ناعمة

عصير ثلاث حبات طماطم حمراء

ربع كوب زيت مازولا

ملح وفلفل اسود
ـــــــــــــــــــــــــــــــــــــــــــ

الطريقة

اولا نجهز الصوص بتسخين الزيت في قدر صغير ونضيف له ربع كمية البصل المقطع ونقلبه حتى يميل الى

الاحمرار ثم نضيف الثوم المدقوق حتى يصفر وبعدها نضع عصير الطماطم ونتركه على نار هادئة حتى

يتسبك بعد اضافة الملح والفلفل الاسود

والان في وعاء عميق بعض الشيء نفرش طبقة من الرز المسلوق وفوقه طبقة من المكرونة وتليها طبقة

العدس الاسود ونخلطهم قليلا ثم نشرب الخليط بالصوص وفوقه ننثر البصل بعد ان نقليه في زيت حار حتى

يحمر واخيرا نرش الوجه بالكزبرة المفرومة

وبالهناء والعافية

وان شاء الله تكسبي التحدي

**همس المشاعر** · 09-09-2002, 06:16 AM

تسلم الايادي يالغاليه ..

بالرغم اني ما احب الكشري ..

بس راح اجربه بطريقتك ...واكيد بيطلع اروع من الروعه ..

تحياتي لك عيوني

**نورهان** · 09-09-2002, 11:30 AM

هلا هموسة

جربيه عزيزتي وان شاء الله ما تندمين

ومشكورة على المتابعة

وتقبلي تحياتي

**جود** · 09-09-2002, 08:11 PM

تسلم عيونك وشكرا سكارلت على اهتمامك واتمنى اني ما اتعبتك
ورح اجرب طريقتك هذي وارد لك خبر
بس شكلها بتطلع روعه
تمنياتي لك بالتوفيق

**أسراب** · 12-09-2002, 11:32 PM

تسلم يدك ....
نفس طريقتي ...
أوصيكم يا بنات فيه لذيذ...

أختكم
أسراب

**جود** · 17-09-2002, 12:00 AM

سويت الكشري يا سكارلت وطلع روعه والكل يمدح.
وسالوني عن الطريقه وقهرتهم شوي ههههههه.
وكان ودي ارسلك عشان تقو لين لي رايك.
ومشكوره ويعطيك العافيه.
باااااااااااااااااي.